گؤزلرینده...

 

تانیش اولدوم گؤزلرینده

بیر پنجره دنیزایله

گؤزلرینی باغلاماسایدین

بوغولاجاغیدیم !

 

آنام منی گؤزله !

 

ویداعلاشماق زامانی یاخینلاشیردی.آناسی اونو برک برک قوجاخلادی.بیر آن باشینی آنانین چیینیندن اوزاخلادیب گؤزلرینی گؤزلرینه قیفیللادی.آنا گؤز یاشلارینین قاباغینی آلانمادی.

-آنام نیه آغلاییرسان؟

-سن اورانین دیلین بیلمیرسن نه جور اورادا یاشایاجاقسان؟

ـآنام نئیلمک چاره یوخدور.آما سنه چوخ داریخاجاغام.

-منه داریخاندا من اؤیرتدیگیم ماهنی لاری اوخو.

ـآنام منی گؤزله...

چانتاسینی الینه آلیپ مدرسه نین قاپیسیندان ایچری گیردی !

سولماز

اوشاق کن اوینایاردیق.سولمازی چوخ سئوردیم.جیغال دئییل دی.اونو اوتوردایدیق آرادا گؤزلرینی یوماردی.بیزده ال اله وئریب باشی اوسته فیرلانیب اوخویاردیق:

سولمازین مامانیسی شکر پنیر پیشیریب

دؤرد قاپیا پایلادی

اؤزلرینه قالمادی

قالخ آیاغا قالخ

کیمی سئویرسن قوی یئریوه باخ!

سولماز گوزلرینی اصلن آچماز ایدی.گؤزلری یومولو دوشردی بیزیم دالیمزجا.

سولماز باخمازایدی.سولماز بیزی گؤرموردو.سولماز هئچ یئره باخماییردی.بیز قاچیردیق سولمازدا قاچیردی . آما سولماز بیلمه ییردی هارایا قاچیر.سولماز بیزی گؤرموردو.سولماز ماشینی دا گؤرمه دی...

سولماز سولدو.او زامان دان ایل لر گئچیب.

سولماز سنه چوخ داریخمیشام.گلمیشم سنله دردلشم.سولماز بیلیرسن نه دی؟سولماز منیم ده مامانیم شکر پنیر پیشیریب منیم ده مامانیم دؤرد قاپیا پایلادی اؤزوموزه قالمادی

قالخ آیاغا قالخ

قالخ آیاغا قالخ

 

سئوگیلیمه...

 گؤزلریـــــنـــی گؤزلــریــــمـــه تــیـــکن زامــــان

گؤزلریمیــن ساراسیـــنــی سئـــل لر آپــــاردی

سون باهـــار موسیـــمیـــنده گونـــش یاییــــب

آغــاجــــلارین کـــــــدرلرین یــــئـــل لر آپــــاردی

کؤنلومـــون باغلاماسیـــن باغریـــنا باســـــــدی

سئــودامیــن ماهنـــی لارین تئـــل لر آپــــاردی

نــیگارین کؤنــلوســـو تـــک منیــم ده کؤنـــــلوم

چکیــلیــب گئــدیب انو چنــلی بئـــل لر آپـاردی

آذریـــن یئددی سی ایدی او گؤزل آیلی گئجـــه

گؤر اؤپوش باخچالاریندان او نئجه گول لر آپاردی

من ایله سئوگیلیمین سئوگی گونوموز...

بو گون آذرین یئددی سی من ایله سئوگیلیمین سئوگی گونوموزدور و بو وبلاگ بو گؤزل گونده یارانیر.

سئوگیلیم سئوگی گونوموز قوتلو اولسون...

و بو شعری سئوگیلیم دئمیش:

 

ایمکانسیزلاری ایمکانا چئویرن

 او نازلی گونشلی باخیشلار

آه رویالار قیزی

منیم سئوگی گؤیلریمین اولدوزو اورییمه تاخیلیب

و او کیپریکلر ایلدیریمی گؤزلریمین رسّامی اولان

بولودلارینین آق قاراسینا شاختیغی آن

و اوزونون دومانینا یاغان یاغیشلارین دامجیلاریندا

اؤزومو گؤرن چاغ

منی وارلیغیمی کدرلریمی و هر بیر زادیمی یودو

سئویرم دئدی

سئودیم اونو

سئویرم دئدیم

سئورم اونو

سئوجم اونو

سئو سئو...

و او بال دوداقلاریندان دیلیمین چؤلونه آخدیغی شیرین چاغلار

منی من ائدن

و ایکینی بیر ائدن حایاتین گؤرکملی آنلاری

آنیتلاریمدا سولطانلیق ائدن گؤزلریمین باشینین تاجی قاشلی شاهی

من رویالاردا یاشیییرام می یوخسا رویالار منده؟!

آیریلما مندن جانیم آلینار

گؤز بولوتلاریم یاغار

و سنم دئیه سنلیییم آزیلار

گل منه بیر عؤمورلوک یار اول

یوخ یوخ ایکی عومورلوک

نه اولار گل عؤمورلری ده گولونجه توتاق

سایماغین دیری نه دیر

گل بیزی سایسینلار دئیه بیز سایمایاق گونلرین کئچدییینی

بو گون سنی سئودیییم گون آذرین یئددی سی

ساباح دا یئددی سی

بیریسی گون ده یئددی سی

و یئددی لییین هر یئددی گونو یئددی سی

یئددی گؤیومون بیر اولدوزو

یئددی یئریمین بیر اودلو کوره سی

یئددی اوغلوم

یئددی قیزیم

یئددی یئددی یئددی

و یئتر یئتر یئتر منه

سئو منی

       سئو منی

               سئو منی

                      سئو منی

                             سئو منی

                                    سئو منی

                                            سئو منی

و من دئییرم سئوگیلیمه :

یئددی یئددی یئددی

و یئتمز یئتمز یئتمز منه

سئومه سن ایر

یئددی گؤیلرده جننتلرین یئددی قاتی

منیم جننتیم کیچیک بیر کؤنولده یئرلشمیش

تکجه سنین سئودان منیم یئددی جننتیم

و یئتر یئتر یئتر منه

سئو منی

      سئو منی

             سئو منی

                   سئو منی

                         سئو منی

                               سئو منی

                                      سئو منی