اسکی بیر سئودا

اسکی بیر سئودا باشیمی آغریدیر بو گونلر

گؤزلریمی قارالدیر

اسکی بیر سئودا دوشموش گؤزلریمدن بو گونلر

ایل لریمی مندن آلان او سئودا

آللاهین لعنتینه گلمیش او سئودا

یامان دوشموش گؤزلریمدن بو گونلر

و آیریلیق

قولاقلاریمدا سسله نیر

آیریلیق آیریلیق

گؤزل آیریلیق!

هر زامان قورخدوغوم او آیریلیق

او قدر شیرین

او قدر دادلی گلیر کی

دردلریمین درمانی اولاجاق کیمی

اونو قوجاقلاماق ایسته ییرم

هر شئیی آرخادا بوراخیب

آیریلماق ایسته ییرم!