هدیه!

سئوگیلی لر گونونده

        ان آجی هدیه دیر

          نیفرت!

؟!

من اینانمادیغیم تانریدان

       اوتانیرام

سن کی تانریا اینانیردین

                    به سن نیه؟!

دوشونجه لر

دوشونجه لریم بئینیمده دولاشیر

    دوشونجه لریمی آلانماسیز مندن

        دوشونجه لریم ایله رله یه جک

یوللارا دوشه جک

              اونلاری یوللاردان نئجه ییغاجاقسیز

سیزین مندن آلدیغینیز

      ساده جه

 چانتامدان چیخان بیر فیلش مموری

        و الینیزه کئچن

یالنیز جئب تئلفونومدا یازیلان نومره لر

آما بیزدن آلینماز

الینیزه کئچمز

         دوشونجه لر

            دوشونجه لر

                   دوشونجه لر...