سئوگیلیمه...
سئوگیلیم بو گون گؤروشومه گل
سنی گؤرمک تکجه موتلولوقدور منه بوردا
و خاطیرلات منه
یارالی شهریمیزی
ارگین ویرانهلرینده
آختاردیغیمیز گونلری
بو گون گلسن، سنه سؤزلریم اولاجاق
یادییندامیدیر تبریز موزهسینده
یانیانا یاتمیش او سئوگیلی ایسکیلتلری؟
گل ایکیمیز گؤی مچیدین آرخاسینداکی مزارلیغیندا یاتاق
و بیز ده اورداکی اؤلولر کیمی هایکیراق
یا دا فرهاد کیمی
شاه گؤلونون گؤلونده بوغولاق
بالیقلار بیزی گؤلون اوزونه گتیرسین
و جنازهلریمیزی تشییع ائتسینلر
بو شهرین دیریلری اؤلسه ده
اؤلولهری دیریدیر
سئوگیلیم سنه سؤزوم
گل هئچ زامان اؤلمهیک
90/5/28
تبریز زیندانی
sevgilim bu gün görüşümə gəl
səni görmək təkcə mutluluqdur mənə burda
və xatırlat mənə
yaralı şəhrimizi
Ərgin viranələrində axtardığımız günləri
bu gün gəlsən
sənə sözlərim olacaq
yadındamıdır Təbriz muzəsində
yanyana yatmış o sevgili iskiletləri?
gəl ikimiz Göy Məçidin arxasındakı məzarlıqda yataq
və bizdə ordakı ölülər kimi haykıraq
ya da Fərhad kimi
Şahgölünün gölündə boğulaq
balıqlar bizi suyun üzünə gətirsin
və cənazələrimizi təşyi etsinlər
bu şəhərin diriləri ölsədə
ölüləri diridir
sevgilim sənə sözüm
gəl heç zaman ölməyək
آذربایجان قیزیام.تهران بیلیم یوردون دا ادبیات بؤلومون ده تحصیل آلمیشام.