تام آلتمیش ایکی گون اؤنجهیدی
وارلیغیم تهلیکه سانیلدی
بو شهرده آدیم آتمام یاساقلاندی
و بو گون
تام آلتمیش ایکی گوندور
هر سحر گؤزلریمی آچیب
وارلیقلاری تهلیکه یارادان اینسانلارا
سلام وئریرم!90/3/27
تبریز زیندانی
tam altmış iki gün öncəydi
varlığım təhlikə sanıldı
bu şəhərdə adım atmam yasaqlandı
və bu gün
tam altmış iki gündür
hər səhər gözlərimi açıb
varlıqları təhlikə yaradan insanlara
!səlam verirəm
دونن سحر
دونیایا
ساوالانین زیروهسیندن باخیردیم
گؤزلریمی آچدیغیمدا
بارماقلیقلار آردیندا
یوخویا دالمیشدیم!
90/3/17
تبریز دوستاغی
dünyaya
savalanın zirvəsindən baxırdım
dünən səhər
gözlərimi açtığımda
barmaqlıqlar ardında
!yuxuya dalmışdım
بوردا دووارلار آغریییر
پردهلر ایسه
هرهسی بیر گؤز یاشیدیر
آخیدیلمیش پنجرهلر اؤنوندن
و میلهلر
منله گونشین آراسیندا دایانمیش
ساعاتسا بوردا
سسییله بئینیمی دلن ایشه یاراماز بیر شئی
دونیانین دوراغیدیر بوراسی
بیر اووج اینسان اونوتولموش بو دوراقدا
سؤیله
بیر ده هاچان گلر او ترن
بیزلری آپارماغا؟!
90/2/28 تبریز زیندانی
burda duvarlar ağrıyır
pərdələr isə
hərəsi bir göz yaşıdır
axıdılmış pəncərələr önündən
və milələr
mənlə günəşin arasında dayanmış
saatsa burda
səsiylə beynimi dələn işə yaramaz bir şey
dünyanın durağıdır burası
bir ovuc insan unudulmuş bu duraqda
söylə
bir də haçan gələr o terən
!?bizləri aparmağa
من دوستاغین حیهطینده
و باشیمین اوستوندن اوچورتبریزدن قالخان اوچاقلار
دوستاقدا اولسام بئله
بو شهرین گورولتوسونون
تام اورتاسیندایام
90/2/26تبریز زیندانی
mən dostağın həyətində
və başımın üstündən uçur
Təbrizdən qalxan uçaqlar
dostaqda olsam belə
bu şəhərin gürültüsünün
tam ortasındayam
آذربایجان قیزیام.تهران بیلیم یوردون دا ادبیات بؤلومون ده تحصیل آلمیشام.