بو شهردن سیله بیلمه سیز منی

بو شهرده عؤمور بویو یاشایاجاغام من

       ارک قالاسینا سیغیندیغیمدا

             سیزین لؤدرلرینیز آلتیندا ازیلسم ده من

                     شاه گؤلو گؤلونده بوغولسام دا من

       یئنه ده صاباح سحر

       گؤره جک سینیز منی

  شهرین دولان با دولان کوچه لرینده

دووارلاردا یاشاماقدایام

قیرمیزی ائسپرئی لر ایزینده یم من

             آبرسان کؤرپوسونون آلتیندا

                 هارای چکدیغیم آندا

          منی بوغمایا چالیشساز دا سیز

یئنه بو شهردن سیله بیلمه سیز منی

     بیر اوشاغین دیلینده یم من

   آنا دیلینده آناسینی سسله دیغینده