آنا دیلیم
آنا دیلیم!
گؤزلریم یاشلارلا دولور
هر قلمی اله آلیب
آدیوی کاغاذلار اوسته یاغدیراندا
آما بو گئجه سنین اوچون یازاجاغام
ای یازیلماغا یاساق دیلیم
بو گئجه صوبحه قدر
یازیلاجاقسان دا اوخوناجاقسان دا
ماهنیلاتماق ایسته ییرم سنی من
دونیانین دیللرینه سالاجاغام
باغیرتاجاغام سنی بو گئجه
ای بشر حاقلاریندا تانینمایان
گؤزلری یاشلی دیلیم
باخ بو گئجه صوبحه قدر
سنی هم اوخویوب
هم ده یازیر منیم ائلیم
یاشاتیرسان بیزی سن
یاشا منیم آنا دیلیم
یاشا منیم آنا دیلیم
+ نوشته شده در یکشنبه دوم اسفند ۱۳۸۸ ساعت توسط سیما دیدار
|
آذربایجان قیزیام.تهران بیلیم یوردون دا ادبیات بؤلومون ده تحصیل آلمیشام.